(Poème en rouchi, patois du nord, région de Denain)

L’aut’ jour, j’rinte à la maison in arvénant d’l’ouvrache.

J’vos min père accœurir, pus triss’ qu’eun quien perdu,

Pus constipé qu’eun’ glain’ qui n’aurot pas pondu.

Acoutez, ch’est bin simp’, j’veillos qu’i brayot d’rache.




Pis, d’un cop, sins prév’nir, i rouspète et i crache.

Et tout in méronnant, i mé traitot d’vindu,

I rouspétot sus m’finme. Alors, bin intindu,

Mi, pus malin qu’eun aut’, j’laissos passer l’orache.




Mais j’busios tout d’minme, et n’ayant rin trové,

J’croyos bêt’mint qu’i’avot eun’ séquo d’arrivé.

J’ai minme pinsé qué m’père étot quéu sus l’daine.




Pour mi, à l’vir ainsin, ch’tot pir’ qu’eun accidint.

Mais v’là-ti pas qu’i m’dit, in arsaquant s’boudaine :

« El’ fouant i’a donné dins l’mitan dé’m’ gardin ! ».